OBJETIVOS.(ENRÉDATE)

Os obxectivos céntranse en:

• Mellorar a calidade de vida, contribuír á creación de emprego, ao desenvolvemento económico e cohesión económica e social da localidade e por extensión da comarca, de conformidade coas estratexias políticas de emprego e solidariedade que marca a Unión Europea.

 

 

• Crear unha rede de territorios rurais para o impulso e a mellora do emprego na que se intercambien experiencias e boas prácticas.
• Aumentar a oferta e a calidade de servizos que se ofrecen en atención a persoas centrándonos nos ámbitos estratéxicos (educación, cultura, orientación laboral, apoio ao emprendemento, servizos para empresas)
• Mellorar o coñecemento das necesidades da cidadanía e dos axentes económicos do territorio.
• Satisfacer as necesidades emerxentes no plano laboral xurdidas como consecuencia das transformacións sociais, demográficas e culturais.
• Posibilitar a creación de novos empregos dende o enfoque do ámbito local.
• Contribuír a incrementar o número de profesionais cualificados no ámbito rural e mantendo a creación empresarial como medio de xeración de riqueza e postos de traballo.

EMPLEO.(ENRÉDATE)

Enrédate vai dirixido a persoas desempregadas da localidade de Carballo e da comarca a cal pertence, a Comarca de Bergnatiños.

O concello de Carballo, según os datos publicados polo Instituto Galego das Cualificacións da Xunta de Galicia, presenta unha taxa de paro en maiores de 25 anos no mes de agosto do 2012 dun 90,96% sumando un total de 3.603 desempregados/as. O 52,96% pertence ao colectivo femenino que son os demandantes que máis solicitan na súa oficina de emprego traballar no sector da hostelería.

Na seguinte gráfica reflíctense os datos do paro rexistrado na Comarca de Bergantiños.

 

Sinalar que o incremento do paro rexistrado dende xullo de 2007 até xullo de 2012 só na localidade de Carballo é de máis dun 81%.

No deseño do proxecto Enrédate tívose en conta o nivel educativo dos traballadores desempregados na nosa comarca; por ese motivo a solicitude de subvención vai encamiñado á formación de persoas con baixa cualificación académica (Nivel 1) que supoñen o 58,95% da poboación carballesa inscrita no Servizo Público de Emprego de Galicia, e no caso da comarca ascende a 59,59%. A maiores previuse unha acción formativa de nivel 2 para dar resposta as persoas desempregadas que posúan a formación académica obligatoria.

Polo tanto, este é un territorio de PRIORIDADE MOI ALTA, pois só o Concello de Carballo conta cunha media de paro no ano 2011 superior aos 2.000 desempregados/as.

SECTORES PRODUCTIVOS.(ENRÉDATE)

Enrédate é un proxecto innovador e de calidade centrado na familia profesional da:

1. Hostelería-turismo
2. Actividades agrarias

Estos sectores foron elexidos en base os seguintes datos:

O sector servizos representa o 53,88% dos contratos totais, o que significa que segue sendo o sector con maior proxección laboral e o máis demandado polos empresarios. O 77,87% dos contratos rexistrados no sector servizos no mes de agosto na nosa comarca son de persoas maiores de 25 anos.

Certo é que o sector da agricultura é o menos representativo, se ben esta é unha actividade que se caracteriza pola economía sumerxida, pola falta de regularidade laboral e a precariedade. Por iso o se plantexou unificar o sector agrario co servizos mediante o turismo, que é un dos de maior peso en Galicia.

 

 

Coa mellora en ambos sectores conseguiremos afianzar postos de traballo, incrementar posibilidades laborais ou desenvolver proxectos de autoemprego baseadas nunha preparación habilitante para o desempeño desta profesión, con prestixio social e rigor profesional, e cunha preparación suficiente non só para executar técnicas e ferramentas propias da profesión senón tamén para intentar sobrevivir nesta época de crise

 

ENRÉDATE

Enrédate é un proxecto que pretende formentar a inserción laboral de persoas demandantes de emprego, poñendo en marcha un proxecto innovador e de calidade centrado na familia profesional da hostelería-turismo e de actividades agrarias.

Mediante esta medida activa de emprego prentendemos manter a filosofía de aprender traballando mediante unha formación profesional para o emprego acreditable e certificable ao mesmo tempo que prestamos un servizo de utilidade pública e interese social mediante a colaboración directa cun comedor social, cun comedor sobre rodas e cun centro de día para repartir a comida que se elabore nas accións formativas e a colaboración cos invernadeiros e cooperativas de agricultores existentes na zona, ámbito de actuación, para axudar mediante a realización de Prácticas Non Laborais (PNL) ou ben incorporando técnicas de traballo e avances tecnolóxicos que poidan ser do seu interese e que axuden a mellorar a plantación existente e a convertir este mercado en competitivo.

O Concello de Carballo, como promotor e executante do proxecto, e máis concretamente o Centro Municipal de Formación conta cunha ampla experiencia na elaboración e posterior implementación de proxectos encamiñados a mellorar a empregabilidade das persoas desempregadas mediante formación profesional para o emprego relacionada con ocupacións moi diversas pero sempre intentando reflectir na súa oferta formativa as esixencias e necesidades de cada momento do mercado de traballo, mostra disto son os índices de inserción conseguidos.

LEGISLACIÓN LABORAL DE INTERÉS

www.sepe.es

wwww.boe.es/boe/dias/2011/11/19/pdfs/BOE-A-2011-18146.pdf

www.xunta.es

http://www.boe.es/boe/dias/2012/02/11/pdfs/BOE-A-2012-2076.pdf